Itsasi euskaltegian euskara ikastaroetan izena emateko epea zabalik dago

Irailaren 20 arte, euskara ikastaroetan izena emateko epea zabalik dago. Taldea sortuz gero, eskolak norberaren herrian izateko aukera zabalik dagoela informatzen dute pasatutako oharrean. AEKko lagunek era honetan er,e herritarrei deia luzatzen diete, jakinda garaiotan jasotzen ari garena ez dela makala, Instituzio nagusienetatik laguntzak eten eta euskarari xoxik ere ez ematearen truke herri gogoa piztu eta euskara ikasteko deia plazaratu dute oraingoan. Animatu bada eta euskaldundu zaitez!

informazioa: 948 468 258 eta 607 624 392

0 Comments

Fiskalak ia mila bana euroko isuna eskatu du Altsasuko EHEko bi kiderentzat, seinaleak ezabatzea egotzita

Haizea Ramirez de Aldak eta Itziar Claverrek Iruñeko epaiketan salatu dute euskaraz bizitzeko aukerarik ez dagoela. Nafarroako Gobernuak ere isuna eskatu du. Defentsak, berriz, absoluzioa, frogarik ez dagoelakoan.

Gehiago irakurri...

0 Comments

Babes zabala epaituak izango diren EHEko bi kideei

Irailaren 11an Itziar Claver Herrera eta Haizea Ramirez de Alda Pozueta Altsasuko EHEko kideak epaitu eginen dituzte 'Ezabatu eta euskaraz bizi' ekimenean parte hartzeagatik. Aurrekoan prentsaurreko bat eman zuten herritar aunitzen babesa jasoz. Epaiketa eta isunak salatu dituzte eta bertan ere euskaraz bizitzeko hautuarekin aurrera jarraituko dutela adierazi dute. Horrela, itzultzailea jarriz gero, ukatu egingo dute, "Euskal Herrian euskaraz bizitzeko eskubidea dutelako" eta itzultzailearen lanak "zentzurik ez duelako". Epaiketa egunean, irailaren 11an, elkarretaratzea egingo dute auzitegi aurrean 10:00etan eta ondoren, 19:30etan Altsasuko plazan. Jarraian prentsa oharra eta prentsaurrekoaren audioa duzue.

Gehiago irakurri...

0 Comments

EHEk prentsaurrekoa deitu du gaur bi kideen epaiketa salatzeko

Gaur, arratsaldeko 19:30etan, Altsasuko E.H.E.k prentsaurrekoa deitu du, irailaren 11an bi kidek izango duten epaiketa salatzeko. Bertara altsasuko herritarrak deitu dituzte, babesa erakusteko asmoz. Prentsaurrekoa Altsasuko Foruen enparantzan izango da. Epaiketa aurreko urteko ezabaketa astean, paisaia linguistiko euskaldunaren aldeko ekintza, jarritako 3000€ko bi isunen ingurukoa izango da. Ordutik hona hainbat ekintza egin dituzte: txozna jarri zuten ihauterietan, mosaiko bat ekainean... Oraingoan ere salaketa bideo bat egin dute, hemen behean duzuena. Goian epaituak izango diren bi kideen adierazpenak dituzue.

0 Comments

Euskaraz bizi nahiari, epaiketarik ez!

Altsasuko EHEk ohar bat kaleratu du, irailaren 11an izango duten epaiketa salatzeko. Aurreko urteko azaroan 6300 €ko isuna jarri zieten seinaleak ezabatzea egotzita, baita autoritateari desobedientzia. 300 €ko isuna bertan behera gelditu zen, baina 6000koa ordaindu behar izan zuten eta "epaiketara ere deituak izan gara. Altsasun aspalditik ezabatuak dauden seinaleengatik zigortu nahi gaituzte eta irailaren 11n epaitegian gure burua defendatu beharko dugu." Jarraian duzue ohar osoa.