Altsasuko III. Antzerki Amateur Zikloaren despeditzeko larunbatean Atarrabiako El Bardo konpainiak Bodas de Sangre antzezlana eskainiko du Iortia kultur gunean. Kultur gunera joaten diren ikusleak ondoren antzezlana afari gozo batean komentatzeko aukera izanen dute, horrela gaua borobilduz. Izan ere, On Egin egitasmoaren bidez antzerkira joaten diren ikusleak sarrera erakuste hutsarekin %15eko deskontua izanen dute Biltoki, Basomutur, Arkangoa, Irubide, Iruñabide, Il Padrino edota Kaixo jatetxeetan afaltzerakoan. Ikusle guztiek Iortiara sartzerakoan jatetxe bakoitzaren eskaintzaren berri ematen duen esku-orria jasoko dute.
2013-2014 ikasturterako Altsasuko Musika eta Dantza Eskolak ikasketa adar berri bat martxan jarriko du. Adar honek ez du eskolako ikasketa plan ofiziala jarraituko eta ez du Hizkuntza Musikala jorratuko, ikaslea instrumentua jotzen trebatuko da bakarrik. 16 urtetik gorako pertsonentzat izango da eta instrumentu propioa izan beharko dute. Matrikula epea maiatzaren 31rarte egongo da zabalik. Kurtsoen zehaztasunak:
Aurtengo Maria Markotegi sariek badituzte iada irabazleak eta haien artean altsasuarrak ere badaude. Sakanako Mankomunitateak antolatzen duen txapelketa honek euskarazko sormen literarioa sustatzea du helburu eta 21 sari nagusiez gain (1580 € orotara) parte hartzaile guztiek oparitxo bat jaso zuten. 215 lan aurkeztu ziren, 117 narrazio sailean, 20 poesia sailean eta 78 komiki sailean Era berean, euskaltegietako ikasle eta mintzakideen nanoipun lehiaketaren sariak ere banatu ziren. Jarraian saritu guztien izenak dituzue.
